陳展鵬透露愛妻病發經過 單文柔發文親揭怪病原因 ： 要開始認真注重健康

今日（30日）單文柔在網上發長文感激大家的關心，親揭怪病原因，原來是免疫系統出現問題：「其實我原本分享這段經歷係希望大家注意身體，同時亦想提醒自己，真係要開始認真注重健康！之前做運動，都是比較喜歡一些較靜態運動，例如: 行山，golf …但其實真係要做帶氧嘅運動！唔可以懶…」

她自言「小病是福」：「之前都重覺得自己還年輕 ，身體還可以，以為係熱氣，感冒之類，一陣就過，直到有一天爆了，先發現係免疫系統出現問題。」

單文柔續指想不到分享患病的經歷後，收到很多朋友的問候，「大家都分享自己經歷過嘅事，其中一個令我聽到好痛心嘅事，一個好耐沒有聯絡的朋友，告訴我她在經歷嘅事。有一天發現自己唔舒服去檢查時候，有一個大病，我聽到之後好難過，但我好欣賞佢嘅樂觀同正能量，調整過後好好享受每日和家人時光，就好似平時一樣！希望集氣 祝願佢早日康復，繼續睇住小朋友健康長大。」

最後單文柔望大家要好好注重健康：「好多時候係舒服情況就會遺忘咗，以前細個成日大人都話要新年要祝願長輩身體健康 而家真係明白不容易。最後喺呢度真係祝願所有人身體健康。」

另外，陳展鵬亦接受《娛樂新聞台訪問》透露太太的病發經過：「因為之前囡囡小豬比病咗發燒加上工人姐姐放假，令Phoebe好擔心，又要忙於照顧小朋友，抵抗力差咗。」

他續說：「一開始係眼睛發炎，之前佢啱啱發嘅時候兩隻眼都紅晒， 之後問家庭醫生話滴眼藥水就可以，滴完後舒緩咗好多，但之後到耳仔腫， 後期聽醫生講去驗身，幸好報告出嚟冇事，Phoebe 慢慢逐漸康復。」

陳展鵬又表示小豬比一直陪伴媽媽，更安慰對方不用怕，非常乖女，並指現時太太已無大礙，與其一起做運動，早前她更飛到越南旅行減壓。