79歲前TVB綠葉罕露面 哽咽訪談放棄搶救丈夫真相 遭兒子責怪：點解有得救你唔救爸爸？

近日陳嘉儀接受資深傳媒人汪曼玲的訪問透露近況，她自言剛從珠海返港生活一年，卻病足十個月，「我搬屋、pack嘢、又搬出搬入，都係一個人做，咁就太辛苦，結果免疫力就降低，導致生蛇喺個口、鼻，跟住生上眼。」又指曾看了中、西醫及眼科，慶幸沒有留疤痕，但現時抵抗力低，經常傷風感冒。

她親揭當年離開TVB，放棄自己的事業，全因想陪伴亡夫，「我喺呢行做咗30幾年好忙，根本冇時間陪伴過我老公，因為後來佢糖尿病好嚴重，醫生話佢心衰竭、腎衰竭，已經係差唔多，所以我就離開TVB，最後陪伴咗佢9年佢先走。」

陳嘉儀提起與亡夫相識經過，「我哋識咗半年就結婚，以前拍戲好忙，冇機會拍拖」又指在28歲獲朋友介紹認識丈夫，二人拍拖半年便決定結婚。

她憶述第一眼見到老公時，雖然靚仔成熟，加上在英國大學畢業，條件不錯，惟沒有一見鍾情，二人食完飯後，覺得男方不喜歡說話：「佢好靜，眼大大、鼻高高，好似好高竇，咁我咪算，冇理由女仔追男仔㗎嘛。」

她難忘一次與老公吃飯後，令其對他改觀，「有一次去新界食飯，點知嗰度有牛，佢被牛追，佢好驚，不停跑，之後佢走咗上涼亭，仲企咗上張凳度，佢個樣好搞笑，我覺得好笑，發現呢個人都幾幽默、幾funny喎，咁就對佢改觀咗。」

陳嘉儀與老公自拍拖至結婚感情要好，二人相愛40多年，當提到丈夫離世，她一度哽咽指當時醫生跟她表示丈夫不能出院，並要決定是否插喉搶救：「喺個喉嚨插入一條管，入去個肺嗰度畀氧氣佢，但係佢唔會好返，即係延長佢幾日嘅生命。」

但她不想丈夫要插喉辛苦，故決定選擇放棄：「佢要24小時擘大個口，嗰個喉係鐵，我唔想我老公咁辛苦，咁我話如果最後嘅時候，我唔需要做最後呢一步救佢，等佢順其自然咁離開。」

惟她這個決定不獲兒子支持，更被責怪「點解有得救你唔救爸爸？」