/public/tvbcom/article/images/202507/3cbd1d40-4b3b-403a-a1c1-6c6055df720c.jpg)
關曜儁除了演員身份，又與友人合資健身中心，日前他在社交網透露健身中心將擴張發展，由無窗搬到擁有無敵海景商廈，絕對是愈撈愈掂。
關曜儁的創業經歷並不是一帆風順，當中遇到不少難關，「21歲開始做教練同入行TVB雙線發展，一邊教學搵生活費照顧屋企，一邊追尋自己嘅興趣，26歲遇到人生5個貴人，一齊合股開創左第一間健身中心。」
可惜在一年內店舖執笠收場，全因「2019年事件、疫情、股東紛爭，就係咁…呢一場夢好快發完。」
/public/tvbcom/article/images/202507/041b5ecb-1b60-438f-8106-e3d52dbede38.jpg)
因由於結束得太突然，學生買了很多他們的單對單課堂，因此當時關曜儁與另外兩名教練租了一個全觀塘最平的工廈單位，「一個係工廈完全無窗嘅單位，承擔返學生所購買嘅課堂，當時為咗慳錢，其實係冇晒啲錢，三個教練搵晒身邊所有嘅好朋友一齊裝修呢一個無窗嘅健身室！」
兩年過去，他們捱過最艱難的日子，搬到一個有窗的商廈單位，三年後租約期滿，關曜儁的生意發展愈做愈好，今次更搬海景大舖，「今次呢間真係不得了，景色被譽為全觀塘區最靚嘅健身室，瞭望獅子山及維港海景🤩喺度做運動嘅感覺一定～零舍不同～今次搬舖終於可以開返小組班喇」。
一班圈中好友張振朗、陳瀅、JW等亦有留言大讚其毅力驚人。
擁有穩定的經濟能力，關曜儁近日帶太太和2歲半女兒一齊去日本旅行，更首嘗坐商務艙，並說：「其實我都係受圈子所感染，我接觸大部分嘅學生同朋友，大家都係做生意同高管，每次同佢哋傾偈都係坐商務艙或頭等艙，聽完之後覺得好爽喎，人生點都要試一試，坐完之後又真係好爽嘅！」
關曜儁原名關梓陽，2015從訓練班畢業入行，其實他當年考過三次訓練班才能入到TVB，第一次「肥佬」是因體身形肥胖而被嫌棄，遂一邊兼職月薪只有5千元的大型時裝公司保安，一邊參與健身運動減磅，並自修復康運動及治療痛症課程，之後參加體適能錦標賽奪獎，認真厲害。
他入行多年演閒角為主，在《陀槍師姐2021》、《下流上車族》、《反黑英雄》表現不俗，而他在《愛‧回家》曾分演島大學生「范柳元」和莊思明經埋人「仇奇」，令其更入屋。
