關曜儁兩年抱兩成功湊個「好」字　仔仔Torres出世一刻撞正江旻憓奪金時刻

在《下流上車族》飾演阿力而入屋的關曜儁（Leo）去年與圈外女友楊韻璇結婚兼誕下女兒Lorraine，昨日Leo在IG公布喜訊，太太順利誕下兒子Torres，「兩年抱兩」兼成功湊個「好」字，認真可喜可賀！

而最特別的是，Torres出世一刻正是「微笑劍后」江旻憓摘金之時，相當好腳頭！Leo指太太生產當日驚險又難忘，他說27日晚上工作至11時多才回家，原本打算與太太觀看江旻憓出戰，豈料太太在凌晨1點多開始作動，於是急急出門趕去醫院，太太還未趕得切打無痛分娩針便要入產房，Leo指太太是超級怕痛的人，他只好捉太太的手安慰，最後太太順利誕下兒子，令Leo感到媽媽好偉大。對於仔仔Torres出世撞正江旻憓奪金時刻，Leo說：「太太生緊嘅時候，直情係佢（江旻憓）打緊嘅時候，我哋就喺產房搏鬥緊，感覺就係全香港嘅人支持緊江旻憓，間接又好似好多人支持緊我哋一家人！我都想望子成龍，如果個仔以後做到啲嘢為香港人爭光就好喇，希望佢可以成為一個有影響力嘅人！」