關嘉敏與愛犬留倩影 型爆Look曝光勁吸睛

相中可見，關嘉敏穿上超低胸上衣配以超短褲上陣，除大騷驕人上圍，更晒出修長美腿，再攬着愛犬Two Two大擺chok甫拍照，張張相也吸睛十足，難怪引起大批網民留言，更表示「HOT」、「好靚」，梁敏巧更笑言「我睇到七孔流血」。

關嘉敏接受tvb.com 訪問自揭拍攝這輯相原因是想與愛犬Two Two留多點倩影，全因其之前的愛犬意外離世後，才發覺跟亡犬的合照少之又少，所以趁Two Two健康又靚女時要爭取機會影相。

對於這個造型相當性感，她說：「呢個Look唔係我諗， 因為我個攝影師係寵物攝影 ，都想試下唔同造型。」

關嘉敏直言穿這套衫挑戰大，「我未着過呢啲衫，同埋條褲短到好似內褲，我着咗之後都有啲擔心走光，但係影嘅時候攝影師令我有安全感，所以都好信任佢。」

她指初時怕影出來的效果不佳，「但係見到攝影師影咗幾張後，見到佢出嚟個感覺唔會有低俗嘅味道，所以之後都好放心，個效果都令我好滿意。」又預告拍了不少相片，將會陸續與大家分享。