TVB女神為愛犬與母親爭執自爆為狗狗一年搬6次屋：救咗佢，就要負責任

點讚

撰文：柔娛絲

發佈日期：2025-06-21 11:00 更新日期：2025-09-26 05:03

關嘉敏（Carman）近日在《女神配對計劃》憑着真性情而吸引網民關注，人氣急升！日前她帶同愛犬TwoTwo接受傳媒訪問，當中自爆為養愛犬過程艱辛。

關嘉敏透露TwoTwo是她偶然救下的流浪犬，當時牠被困在狹小籠中險遭虐殺，又指當刻沒想太多就救了牠，更是先斬後奏帶牠返屋企。

她指因關媽媽曾遭狗咬傷，故極度怕狗，為此母女爆發激烈爭吵，最終關嘉敏更獨自搬家。

關嘉敏自爆遇到愛犬時因減肥過度罹患焦慮症：「每日瘋狂做運動但愈減愈肥，減到勞損，有一次喺健身室爆喊，身體又好差，又要上鏡，心理壓力好大。」

但她直言收養TwoTwo後，每天規律遛狗讓其學會放慢腳步，「TwoTwo幫我製造『Me Time』，令我個人放鬆，焦慮症就慢慢好番。」

關嘉敏接受tvb.com透露養愛犬經歷波折重重：「當初我同家姐搬出住諗住裝修間屋，點知裝修師傅延工，仲延遲咗9個月，延到咁上下佢哋仲走佬，所以我又要搵其他裝修師傅，足足遲咗一年先搬到入去，加上因為短租好多地方唔可以養狗，我要不停轉地方，嗰年就搬咗6次屋。」

她又指除母親怕狗外，亦眼見她為愛犬不停搬屋十分辛苦，「佢覺得我自己都養唔掂，養咩狗，但我覺得救咗佢返嚟，就要負責任好好照顧佢，所以嗰年係好辛苦，但係值得。」

主頁