鍾柔美新歌演情傷爆喊有驚喜 MV拍足15小時行勻7個景點：呢一場我喊咗好多次

點讚

撰文：柔娛絲

發佈日期：2025-09-21 07:00

鍾柔美Yumi推出全新單曲《不欠你一個朋友》，有別於以往跳唱的形象，今次新歌是慢板情歌，唱出Gen Z少女「沉錯船」的心聲，到頭來得場空，其實對方是「中央暖爐爐」，發現自己自作多情心痛過後只好離開。

為配合歌曲故事，鍾柔美Yumi演技大爆發有一埸喊戲特寫鏡頭，見她淚珠從眼眶緩緩落下，男主角欲伸手為她抹眼淚，她心碎擰轉頭，畫面令人動容。鍾柔美Yumi說：「呢一場我喊咗好多次，完全代入咗首歌入面，好入戲，希望大家都feel我幾傷心啦。」

今次《不欠你一個朋友》MV落足心機拍攝，花了15小時走訪7個地點取景之餘，鍾柔美Yumi更與男主角甜蜜互動頭貼頭喝飲品，又換上華麗晚裝坐在三角鋼琴面前長裙自彈自唱，為此她特意苦練鋼琴。她說：「我第一次喺戶外大草地度彈琴，感覺好新奇，希望大家會見到我唔同一面啦。」

其實鍾柔美Yumi對今次拍攝期待已久，事關之前天氣不穩颱風暴雨頻密，由7月中改到8月中才能開鏡，幸好拍攝當日天公造美，花了近15小時完成拍攝。

鍾柔美Yumi又提到：「慢歌對我嚟講係一個大挑戰，慢歌唔係自己強項，花咗好多時間錄音，要好好處理情感嘅演繹，好多謝監製小彤好有耐性陪伴住我。我帶住呢份感覺去拍MV，好快就入到戲，希望大家會鍾意我呢個新嘗試啦。」

主頁