/public/tvbcom/article/images/202504/2bb317ef-e88a-4531-9a34-ec0fd96bbb68.jpg)
林子善在近日的《奪命提示》中為兄弟捨身犧牲，其亮眼演出令不少觀眾大呼感人，看到眼濕濕。日前他在社交網晒出一張全家福，原來林子善與外父一家人吃生日飯，更指對方埋單，「首先喺度多謝外父請食生日飯，佢叫大哥成個人好乜都冇所謂，認識佢嘅第一日已經對我好好。」
/public/tvbcom/article/images/202504/32945f55-2781-4926-b514-539d52e02bd3.jpg)
林子善指外父外母也非常疼愛他，當其如「親生仔」般，無論他做任何事也會力撐，「大家乜嘢都傾一大餐好支持我做事，佢同外母都係我嘅鐵粉。」
他又自爆原來外父曾叫其兼職揸的士，惟最終其拒絕建議，全因他自覺仍有能力堅持演藝事業，「成日擔心我工作量唔夠好擔心，有一次擔心到叫我兼職揸的士，我真係笑咗我話的士牌好難考，好似個阿媽擔心個仔一樣搞笑。兩位都好錫我當我親生仔一樣，完全感受到兩位愛錫關心擔心，呢啲就係家人會有嘅愛同感情。」
其實林子善曾接受傳媒訪問自爆曾經歷3年冇工開，只在家中打電玩，完全沒有收入，令父母十分擔心，當時他指故意將銀包放在家中的桌上，讓父母看到偷塞錢給他。
