陳家樂和連詩雅（Shiga）今年2月宣布榮升做準父母，不過兩人就一直未有透露BB性別。直至上星期陳家樂出席電影開鏡拜神活動時，自爆收到孫慧雪囝囝的日用品，於是立即被媒體以為是「漏口風」，並被追問Shiga是否陀仔，不過家樂就無正面回覆，而是大賣關子，表示留待Shiga今個星期公布。
延伸閱讀：連詩雅懷孕7個月罕曬母女合照 75歲媽媽超凍齡！撞樣呢位古裝女神
5月28日，懷孕8個月的Shiga在IG分享大肚寫真，肚皮上面似用粉色唇膏寫上：「Baby Camila」字眼，正式公布胎兒的性別是女生！Shiga更用幾十個立體閃鑽貼紙，將「Baby Camila」包圍起來：「31 weeks，好期待與Baby Camila 見面！#inaround2months #bb已經三磅半啦 #期待又緊張 #itsaGIRL」。好友孫慧雪留言：「咁堆男仔衫仔唔啱BB啦！」，而湯怡則回覆雪雪：「呢個唔啱，下個可能啱呢！」似乎暗指兩公婆有二胎打算。
至於BB的中文名，之前家樂曾在一節目中表示已想好為BB改名「陳徹」，不過當時被周家怡笑說：「我勸你唔好，『陳設』係用嚟擺㗎！」，不少網民亦支持周嘉怡意見，家樂則回覆：「中文名未定！仲爭取緊！」
