連詩雅曬愛女星星滿月萌照 嘆餵母乳不易陳家樂即回8字氹老婆

連詩雅（Shiga）同陳家樂的小公主陳星頤（Camila）於上個月降臨人世，Camila轉眼間已經滿月，Shiga日前（18日）在社交平台一連Po出多張囡囡的萌照慶祝，並分享榮升做媽咪之後的感受。

延伸閱讀： 恭喜！連詩雅愛女出世重5.9磅 老公陳家樂親剪臍帶曬眼濕濕抱B相：我覺得自己好唔負責任 Shiga在貼文中幸福寫到：「我嘅寶貝星星一個月快樂 #Camila1monthold 」。然而照顧BB的過程一點都不易，尤其是為了囡囡得到更好的營養，堅持餵母乳的Shiga，她坦言：「我已經做咗一個月媽媽，原來餵全人奶真係唔容易，但係聽好多人講會令到BB免疫力強啲，咁就唯有辛苦啲啦！ 真心真心respect所有媽媽，我終於體會到啦！希望星星繼續健康長大☺️。」廿四孝老公陳家樂也即留言氹老婆：「辛苦媽媽啦！等我返黎到我餵啦！」相中見星星睡夢中露出甜笑，一邊伸脷，又同時擺出「超人」Pose，一系列動作除了融化大批網民之外，梁靖琪、陳煒、梁諾妍、李幸倪、袁偉豪、黃翠如等圈中好友同樣被萌翻，並留言送上祝福。而有不少人稱星星是迷你版陳家樂：「迷你版家樂…超級似樣」、「同爸爸簡直係餅印咁」等。