車婉婉晒為肥媽慶生照 又攬又錫勁sweet 自爆12歲已識對方！胡楓/羅蘭/黑妹李麗霞等均到賀

肥媽（Maria Cordero）日前（18日）迎來71歲生辰，獲圈中好友車婉婉、胡楓、羅蘭、黑妹李麗霞等到賀，場面熱鬧！

昨日（19日），婉婉在IG分享當晚慶生盛況，見婉婉更攬住肥媽錫錫，非常sweet～「多謝黑妹Auntie搞咗呢個咁溫暖嘅Surprise Party! 有份參加我非常榮幸🎉🎉🎉我12歲就有幸認識阿Ma，佢帶我同兩個哥哥去表演唱歌，我哋又成日去佢屋企練歌⋯⋯好多回憶⋯眨吓眼，已經好多年❤️ 估唔到依家我哋居然會一齊做一個咁有正能量嘅節目，仲成日互相支持鼓勵，好開心❤️人生，真係好奇妙🥰多謝阿媽的愛和照顧❤️祝你日日開心、平安、生生猛猛！年年有今日🎉🎉🎉」