許紹雄設靈｜愛女許惠菁哽咽難忘父親教導坦言遺憾未盡孝道：唔夠時間畀我孝順佢

撰文：柔娛絲

發佈日期：2025-11-17 09:39 更新日期：2025-12-10 08:40

許紹雄上月28日安詳辭世，家人於今日（17日）於沙田寶福紀念館設靈，大批圈中好友送花圈悼念，擺滿靈堂外圍，當中包括無綫藝員訓練班第一期全體同學，契女佘詩曼、《新紮師妹》中合作過的吳彥祖、成龍、古天樂，以及大批相識多年的娛圈好友。

靈堂正中遺照貫徹其過往幽默形象，大批摯友花圈夜滿靈堂，現場亦播放他過往演出的搞笑片段。

現場於下午4時開放予公眾致祭，其愛女許惠菁代表家屬接受訪問，她感激親友於父親離世前後陪伴、網友的留言，感謝各界對父親的愛錫。

回想父親的教誨，她哽咽說：「應承咗爸爸會代替佢，照顧媽咪同屋企人，佢係我引以為榮嘅爸爸，佢教咗我好多道理。佢經歷咗好多人離去，但佢從來冇麻煩過同事，冇停廠，負責任嘅精神，我會記住，我會好好生活。」

談到她現時與母親的情緒，許惠菁坦言：「一時一時，仲接受緊。」對於父親臨終的點滴，她溫柔地說：「我同佢在心中，咁多年嚟佢對我哋嘅照顧同愛，唔使講啲咩。佢不嬲都係低調，對人幾好嘅人，依家咁樣安排，係有啲突然，但希望係佢想要嘅嘢。」

許惠菁透露依然會保留父親的社交平台，「唔會close，唔捨得咁做，知道大家仲想睇爸爸拍過嘅嘢。多多少少仲有其他片段，等處理好晒所有嘢，再同大家分享。希望佢開開心心形象，留喺大家心入面。」

她續指現時仍覺得父親的離世非常不真實，片段亦極模糊，「我哋都仍接受緊」。許惠菁坦言遺憾未盡孝道，「爸爸好有愛、負責任咁照顧咁我好多年，係個遺憾，唔夠時間畀我孝順佢。」

許紹雄多年來很支持她做任何事，對此許惠菁表示「我好Proud有佢呢個daddy，佢努力工作，對人處事嘅真誠同埋照顧，我好Proud有呢個爸爸。」

回憶父女相處，她說：「細個時爸爸忙住做嘢，依家大家一齊拍片，好珍貴，算係彌補返以前嘅一啲時間。」

主頁