許惠菁生日匿廁所喊憶爸爸許紹雄 感恩家姐佘詩曼等好友送暖：冇咗佢哋唔知點算

許惠菁在接受 TVB娛樂新聞台 獨家訪問時透露，生日前夕由媽媽親自安排，聯同她的一眾大學同學舉行聚會，當中情同姊妹的佘詩曼亦有現身支持。而生日正日當天，高海寧、陳敏之及黎芷珊等圈中好友更悉數到場送上驚喜，讓她感受到滿載的愛護：「我冇咗佢哋點算呢？我都唔知點去回報。好多謝大家陪我，因為佢哋想我同之前嘅慶祝冇咩分別。」

儘管有好友相伴，但每逢「佳節」倍思親，許惠菁直言內心依然非常思念許紹雄。她自爆在生日正日早上，情緒一度崩潰，隨後更走進許紹雄生前的房間與亡父「訴心聲」：「嗰日朝頭早我已經喊咗，我自己一個喺廁所喊。我本身都唔夠膽摷返之前我同爸爸嘅對話，但我頂唔順，我都係摷返。爸爸每年都會同我講生日快樂。」