袁偉豪4個月大囝囝識做一個動作超醒目 被醫生力讚成長速度驚人 人氣超高仲勁過爸爸

42歲的袁偉豪與前港姐張寶兒結婚三年，兩人愛得高調甜蜜，去年11月兒子「袁咕碌」袁晞祐出世，一家三口溫馨幸福。上月18日，夫婦二人筵開32席為囝囝舉辦百日宴，獲眾多圈中好友到賀。

昨日（21）日，張寶兒在社交平台發布影片，分享已經4個月大的「袁咕碌」到醫院做檢查的經過，她表示：「晞祐BB去咗做兒童保健～見返熟悉的姑娘姐姐同埋醫生哥哥，你一啲都不怕（陌）生，生長圖仲顯示你已經係人哋六個月的高度同重量，睇嚟你自己都好滿意呢個成績！咁返屋企你就繼續加油吃奶做運動啦！媽媽睇好你！#袁咕碌 #四個月 #會點頭示意的寶寶 #兒童保健」。人如其名的「袁咕碌」長高又長肉，體重竟達8.08kg，是同齡bb的生長線的頂點，醫生細心講解其生長狀況：「睇返身高都高，頭仔同之前差唔多⋯⋯身高64.5cm挨近中線位，頭仔同之前差唔多41.5cm」。

張寶兒大讚「袁咕碌」好犀利：「生長圖仲顯示你已經係人哋六個月的高度同重量。」，而當其問「袁咕碌」對報告是否滿意時，「袁咕碌」更向媽媽點頭，非常趣致！

「袁咕碌」此次做兒童保健的醫院亦是其出生地，護士們見到「袁咕碌」回來都爭相要抱，比爸爸更受歡迎！