袁偉豪自爆因一性格特質冇朋友 寄語袁咕碌做人做事原則 曾試過叩頭千次轉運：千祈唔好學我

袁偉豪與張寶兒近日宣布即將迎來二胎，不少網民都為他們感到高興。日前袁偉豪與張寶兒拍片，見到陀住B的張寶兒精神十足，狀態好好。

片中，袁偉豪先談到囝囝袁咕碌為他親手製作的父親節禮物，笑到見牙唔見眼，而說到希望兒子在他身上學習到的特質，袁偉豪坦言想袁咕碌長大以後要做一個有原則的人，做事有始有終，要用功等等。但最不想袁咕碌學到的，就是自己的「直」。袁偉豪解釋說：「我成日覺得我個人咁直呢，其實真係唔係咁差，得而且確如果咁直呢，就冇乜朋友，所以我唔想我個仔冇朋友。」張寶兒隨即安慰老公：「你咁真誠嘅時候，你身邊都係真嘅好好朋友。」