袁偉豪綁西瓜扮大肚婆 體驗母親十月懷胎不易 向張寶兒「苦呻」：呼吸都覺辛苦！

張寶兒將重5.3kg的西瓜用保鮮膜綁上袁偉豪的肚子，袁偉豪分享感受：「其實對於上半身活動就無咩影響嘅，但係我感受到多咗個重量壓住呼吸，好似唞氣有啲辛苦」，已踏入第三孕期的張寶兒亦表示認同。

隨後袁偉豪同張寶兒一齊前往學校接囝囝袁咕碌放學，駕車期間袁偉豪笑言現在爸爸媽媽都有「BB」，所以不能抱袁咕碌，又忍不住撫摸「孕肚」，車子震動時更指「BB」正在踢他，盡現搞笑一面。而張寶兒則指自己踏入第三孕期後，最辛苦是胸骨下面肋骨筋膜的部分，形容筋膜就像是背心膠袋，膠袋裝下西瓜後會感受到拉扯。

接到袁咕碌後，三人去到超市購物，袁偉豪笑言可能會被人誤會偷西瓜，故先向超市員工報備，過程相當好笑。回到家後，袁偉豪也急急除衫「卸貨」，誕下「西瓜BB」，成功完成任務！

影片最後，張寶兒提到此次的懷孕過程，她直指比陀袁咕碌時更辛苦，不過就感恩有袁偉豪這位好老公：「佢每一日都盡可能係得閒嘅時候陪住我，又會車出車入，又幫我減輕好多照顧袁咕碌嘅辛苦，好彩有佢呢個最強隊友。」

網民亦都紛紛大讚袁偉豪是個好老公、好爸爸，也呼籲這項挑戰應該每一位準備做爸爸的男士都去試一下，希望他們能夠更加愛護老婆。