蘇恩磁出席演協春茗大晒多位老友合照羅蘭精神現身透露近況

點讚

撰文：柔娛絲

發佈日期：2026-02-25 09:00

香港演藝人協會日前在會長古天樂、副會長錢嘉樂及一眾理事會成員下舉行2026年春茗茶聚，吸引逾百會員踴躍出席，包括羅蘭、余慕蓮、蘇恩磁、劉江、程可為、吳浣儀、梁葆貞、黃夏蕙、陳勉良等現身支持，場面墟冚。

蘇恩磁在社交網晒出與多位老友合照，當中包括羅蘭、余慕蓮、程可為、李漫芬、「順嫂」梁葆貞、余慕蓮、吳浣儀等。

相中見羅蘭精神奕奕現身，席間不少藝人上前跟她合照和拜年，問到羅蘭姐健康情況，她大方表示：「腳麻麻地，天氣潮濕，腳會痛，新年都唔敢周圍去，驚多人。依家冇拍嘢，會喺屋企唸吓天主經、聖母經，朋友會打嚟傾吓偈，電視有節目教人做運動，我每日都會跟住節目做大半個鐘運動。」

另外，席間頒發「傑出演藝大獎」以表揚過去多年來為演藝界貢獻良多的前輩藝人，今年由吳浣儀、程可為、劉江榮膺獎項，三人在古天樂及錢嘉樂手中接過獎項。

劉江說：「好多謝大家冇忘記我，自己唔習慣參加呢啲場合，性格比較內向，今日第一次出席。平時喺TVB成日見到大家，感覺係理所當然，但原來唔喺TVB嘅話要見面係好難，今日見番大家好開心，多謝大會頒呢個獎，我覺得自己未有資格。」

吳浣儀亦感謝古天樂會長及一眾理事，大讚他們非常有心。程可為領獎時，盡顯幽默風格：「好開心呢個年紀、呢個記性仲可以出鏡演繹角色。感激上天畀智慧我，同埋畀個樣我啦，依家都仲睇得吓啦！多謝大家！」

主頁