蔣祖曼自爆考寵物美容師文憑原因親揭有意想開舖頭？

點讚

撰文：滬上公主

發佈日期：2026-08-08 09:00

蔣祖曼（Joman）私下非常喜愛小動物，近日她在社交平台宣布自己順利考獲寵物美容文憑。不過她同時自爆一個相當搞笑的「拖延症」小插曲，原來她早在2020年就開始上堂、2021年已考完試，結果這張證書足足等了5年，直到昨日才正式回到學校領取。

蔣祖曼在社交平台晒出領取證書的照片以及當年上堂實習時的珍貴舊照，「我勁冇記性，而且永遠都係留到最後仲慢慢剪緊嘅學生，一上返學校去所有熟悉嘅感覺返返嚟。睇返上堂啲相，諗起當年俾我剪過嘅狗狗，有啲可能已經變成老人家了，希望佢哋依然生活得開心快樂啦！」

不少網民與粉絲紛紛留言恭喜她解鎖新技能，並大讚蔣祖曼對小動物充滿愛心，「恭喜Joman！又靚女又有愛心嘅美容師」、「手勢有板有眼喎」、「狗狗剪得好靚呀」、「5年先攞證書好搞笑，恭喜晒！」

蔣祖曼接受tvb.com獨家訪問，透露為何會有考寵物美容文憑的想法，「我自己好鍾意動物，所以想多方面瞭解吓呢個行業嘅嘢，但如果自己唔落手落腳去學，就永遠唔會知、唔會識。另外我嗰陣有養12隻動物，有貓有狗，所以就算自己學完唔做生意，都可以用得著，幫佢哋做美容。」

問到她會否有意想開寵物美容店，蔣祖曼指要看機緣，「希望自己搵到錢，可以搞啲小生意，努力當中，依家會繼續喺幕前打拼多啲，之後再諗其他嘢。」

主頁