葉蒨文「粉紅公主」Look出席生日會獲粉絲還原《愛·回家》經典場面！自爆大頭蝦遺失證件錯過一事

點讚

撰文：滬上公主

發佈日期：2026-10-28 07:23 更新日期：2026-10-29 09:11

葉蒨文（Sophie）昨日（27日）迎來生日，一眾忠實粉絲日前特別為她舉辦生日會祝賀，並將現場精彩影片上載至社交平台。依截圖所見，葉蒨文當日身穿一襲粉紅色的優雅連身裙，頭戴精緻皇冠，盡顯高貴大方的「公主」氣質，十分吸睛，而男友曾展望（GM）也有一同到場慶賀。

葉蒨文接受 tvb.com 獨家訪問時，對粉絲的用心安排表示非常感動。她感性地表示：「粉絲真係好有心，首先有啲係韓國、荷蘭同埋新加坡飛返嚟，跟住又有啲喺內地搭幾個鐘車過嚟又幫手佈置同埋安排，我好感動呀，頻頻撲撲，希望佢哋嚟好好休息返！」

談到生日會最難忘的環節，她笑言是粉絲們的創意：「佢哋會拍啲搞笑劇場，特登去book場演戲囉，有一段係佢哋着返《愛·回家》Candy 嘅服裝，跟住演返個句對白出嚟，一人着一套都還原好多經典場面。」

葉蒨文與男友GM的生日相近，不過葉蒨文表示二人至今仍未交換禮物：「本身諗住一齊去日本之旅東京版，但係抽唔到時間，我哋兩個之前都互相送咗好多嘢俾大家，既然都冇乜嘢想要，我哋費事浪費金錢，所以話下次去日本嘅時候先交換大家嘅生日禮物，到時揀一份互相送俾大家仲有意義，不過佢都送咗花俾我。」

至於生日正日如何度過，葉蒨文透露原本安排了內地行程，卻因一時粗心大意而泡湯：「生日本身book咗酒店喺內地慶祝，但係我太大頭蝦啦，唔見咗身份證同回鄉證，所以去唔到，諗住遲啲補祝，最後喺香港平平淡淡食返個椰子雞火鍋(平時經常食)。」

雖然計劃受阻，但性格樂天的她很快便收拾心情：「開頭我有啲失望同埋覺得自己真係好大頭蝦，有啲嬲自己，但係因為成日都大頭蝦，所以都好快適應，好快開心返啦。琴日平平淡淡都好開心，其實就算生日搞到好大都係曇花一現嘅事，最緊要心中富有，多謝身邊愛錫我嘅人，希望佢哋全部都幸福、健康、快樂。」

主頁