:quality(80)/public/tvbcom/article/images/202608/5359c007-0b84-4cdf-ade9-c42b3ea7471e.jpg)
葉蒨文（Sophie）近年人氣急升，工作機會不絕。日前她在社交平台分享與母親慶祝生日的合照，更非常豪氣地過了一筆錢當其做生日禮物。
延伸閱讀：愛回家之開心速遞｜葉蒨文公開百變絕密相 告別「島大」 掀回憶殺
/public/tvbcom/article/images/202608/c38707c1-4cc0-41c1-9805-a0f3dcd813b3.jpg)
她發文：「努力工作、認真賺錢最爽的一件事，不是給自己買了甚麼，而是媽媽生日時，可以豪氣地過一筆錢給她，在她睇中東西時可以大大聲說：『我買給妳！』我要的就是那種當朋友問她『這條手鏈好靚喎』的時候，她可以極度驕傲地回答：『係呀，我個女送俾我㗎！』」
Sophie透露母親轉眼70多歲了，「我賺錢的速度，一定要繼續趕上你生日的速度！努力的意義，就是成為妳最強大的後盾。希望妳健康、開心地繼續花我的錢！🥂✨ 不用再擔心我了！」
+1
除了Sophie的孝順行為，在合照中見Sophie母親氣質優雅、保養得宜，絕不像70多歲，難怪紛紛引起大批網民留言「Auntie真人感覺未夠60 ，好後生皮膚好好又靚女，唔怪得之Sophie咁靚女」、「似兩姊妹多啲」、「Auntie似後生最少20年！」有網友質疑她是否打錯歲數，Sophie隨即回覆笑言：「冇啊，我家姐都大我20歲！」
對於很多網民大讚伯母保養得宜，Sophie大方承認「有幫佢P少少圖啦」，還稱讚母親底子極好：「佢皮膚底子真心好過我，我相信我七十幾嘅時候係冇可能有佢呢個狀態。」
Sophie接受tvb.com獨家訪問直言母親以前經常擔心女兒生活，「佢成日想做我嘅後盾，但我長大了，最大的願望就是希望佢退休後可以將資源留返畀自己享福，唔好再為我擔憂。」
問到現時工作不絕，母親是否較以前放心，對此Sophie說：「呢一年多雖然工作模式有變化，我都積極嘗試緊唔同領域嘅工作同學新嘢。只要我照顧好自己、有清晰嘅方向，媽咪自然就安心，咁已經係佢最好嘅生日禮物啦！」
