/public/tvbcom/article/images/202604/c3bfab24-a2b7-44e9-aba1-b81bcc78a5f5.jpg)
葉蒨文（Sophie）近年人氣急升，與男友曾展望（GM），不時孖公仔吸金，大受歡迎。
近日葉蒨文舉行首個粉絲聚會，與一班粉絲「蘇菲貓」見面玩遊戲，身為「001號蘇菲貓」的GM當然亦有現身，他還代表粉絲獻上一大紮粉紅玫瑰花，令Sophie非常驚喜。
:quality(80)/public/tvbcom/article/images/202604/31601134-9f39-46ee-b5a9-8b19fb35075e.jpeg)
現場上二人的甜蜜互動，令全場歡呼聲不絕，有粉絲搞笑嗌「葡萄」，更在網上寫道：「呢位粉絲真係好幸福呀！可以同偶像握手畀心心影合照，連張會員卡都係偶像親自交畀佢㗎！真係令人羨慕妒忌恨呀！」
從相中可見，一班粉絲相當有心，除了製作了Sophie不同表情包的Tee外，更弄了其不同造型的擺設，令Sophie十分感動。
聚會期間，Sophie向粉絲訴心聲，表示前一晚緊張失眠，心情似足小時候學校旅行，她又獻唱其首支個人單曲《兌現永遠》，坐在頭排的GM不時點頭及拍掌送上鼓勵，果然是女友的最強粉絲。
Sophie接受tvb.com訪問時坦言舉辦粉絲聚會的原因：「其實一路以嚟都有人叫過我搞一個嘅，咁但係嗰陣時就冇乜動力，今年我發覺凝聚到一啲唔同嘅人，帶到一啲好好嘅能量俾人，特別係由女神配對計劃開始一啲你問我答嘅環節令到一部份嘅人有啲共鳴，亦都多咗啲女性粉絲或者不同嘅人去問我意見，我希望做更加多，咁所以就成立咗呢個fans Club，希望可以組織一啲慈善活動，希望粉絲見面除咗一齊玩之餘，都可以一齊去做義工幫吓。」，並預告六月有新企劃：「今次見面之後，嚟緊六月我哋都策劃緊兩個義工。」
見面會上粉絲貼心剪輯Sophie入行至今的作品及角色短片，令她大為感動：「今次見面好感動，佢哋剪咗條11分鐘幾嘅片俾我，由我入行到而家參與過嘅作品同角色，再加上一啲背景嘅獨白，之後不同地方嘅粉絲亦都錄咗佢哋想同我講嘅說話，人唔到禮都到，錄咗啲心聲，中山嘅粉絲就算到唔到佢哋都錄咗條打麻雀嘅搞笑片支持我。」
Sophie非常感謝一班粉絲的陪伴與支持：「我真係好欣賞我啲粉絲，佢哋又有創意、又有幽默感，而且設計啲周邊永遠都好靚，佢哋全部都係心地好好，非常多才多藝，我自己都好欣賞佢哋。 我都幾鍾意呢種好似識多咗一班人互相學習嘅感覺。希望每一年都可以見到佢哋。」
