葉蒨文獨家回應！直認對曾展望有好感自揭最初冇真正發展原因 ：我係需要有...

曾展望真誠向葉蒨文表白，令對方也很感動，更指從未見過他那麼認真的一面，最終葉蒨文在零猶豫情況下為他戴上「心動頸鏈」，二人全程不敢望對方之餘，還忍不住一再甜笑，隔着個Mon也能感受到那份甜。

這集播出後，曾展望與葉蒨文這對《愛‧回家》CP引起大家在網上洗版式討論，更留言「太甜了，原地结婚」、「很想他們真的在一起」、「佢哋真好襯」、「太鍾意佢哋，好希望佢哋一齊」，不少網民更叫曾展望努力勇敢去追，希望他會成功。

其實早前葉蒨文在節目曾透露自己的理想型為曾展望，她接受tvb.com訪問直認互有好感：「其實公司同事都唔係好多細眼， 我都覺得佢幾型幾靚仔，不過因為佢少拍咗愛回家都少咗見面，以前都有一大班人食Lunch，前排羅雪妍生日， 我哋成班人都有一齊同佢慶生。」

葉蒨文自揭為何沒有再行前一步的原因：「因為大家係同事 ，佢又細我5年，本身我都唔係特別想揀番呢個圈嘅男仔，我覺得呢個圈嘅男仔比較複雜 ，誘惑比較多，加上我本身都係需要安全感嘅女仔，所以當時都冇諗咗多 。」

問到對曾展望的觀感，她大讚對方：「 佢個人幾真，同埋幾簡單， 我覺得佢唔係好複雜嘅人，所以我都想了解下佢。」