葉蒨文曾展望開音樂會超感觸親爆灑淚原因有意做歌手？

點讚

撰文：柔娛絲

發佈日期：2026-02-03 10:30

葉蒨文孖男友曾展望與另一對CP羅毓儀、林俊其以及蔡思貝，近日在廣州舉行音樂會，葉蒨文和曾展望為了令現場氣氛更加熱熾，不介意當場錫錫，將現場氣氛推至高峰。

二人在音樂會上演繹了《就算世界無童話》、《三生有幸》等多首浪漫歌曲。每當一人獻唱，另一人總是以比心手勢應援，Sweet到爆。而且，他們又到台下與粉絲近距離接觸，見葉蒨文期間更唱到一度落淚，表現感觸，相信這個音樂會令其非常難忘。

葉蒨文接受tvb.com獨家訪問直言今次音樂會相當難忘，更能一圓內地粉絲心願，「除咗《女神配對計劃》嘅粉絲，以前拍劇都已經有一堆嘅忠實粉絲，佢哋一直好希望可以喺內地有機會見面，今次就可以實現佢哋嘅願望，我亦都終於見到好少有機會見嘅粉絲，真係好開心。」

談到她在會上表現感觸，一度落淚，葉蒨文直言很感激粉絲的支持，「佢哋成日都會寫好長篇嘅信畀我，跟住行近見到佢哋真摯嘅眼神就覺得好感觸，我感受到佢哋嘅眼神有千言萬語想表達，再加上唱緊《女神》主題曲，令我勾起拍攝嘅畫面，所以情緒都好激動。」

她自言今次由於休息不足，表現未算最理想，望自己不斷進步下次做得更好，又自爆有興趣向唱歌方面發展，「我覺得要搵一個適合嘅老師學吓唱歌，希望一邊學一邊錄cover可以送畀粉絲。」

主頁