葉蒨文曾展望合體慶祝1周年 感謝粉絲守護淚灑現場 大派福利寵粉： 我哋打風都打唔甩

片中可見，粉絲們準備印有二人的宣傳橫額和不同的打卡位，Sophie和GM擺出心心甫士又翹着手，讓大家拍照。而且，二人更與粉絲大玩遊戲，當見到他們為其準備的片段心意，感動落淚，足見他們過了難忘的聚會。

葉蒨文接受tvb.com獨家訪問感謝粉絲這年來的支持，又大爆見面會險因颱風受阻，「因為今次見面會想照顧埋內地嘅粉絲，所以就揀咗喺廣州進行。但因為香港9號風球佢哋經過重重嘅困難包車上廣州，一開始架車唔開得，跟住佢哋最後排除萬難遲咗少少到，但係都係順利開始，我哋仲話: 『GPS 我哋打風都打唔甩！』」

她自言過程中十分難忘，「 佢哋剪咗好多唔同嘅片段送畀我哋，回顧返一年前嘅《女神配對計劃》都係百感交集。」

Sophie指這年與GM經歷甚多，「我哋各自都有好多挑戰，所以播片段嘅時候就諗起大家經歷嘅一切同埋粉絲嘅守護，感動到喊。」為答謝粉絲的支持，她準備了粉絲許願的環節，「佢哋想睇我哋跳舞，所以我哋就玩咗一啲跳舞遊戲當係粉絲福利。」