葉蒨文孖男友曾展望遠赴青海親爆上崑崙山拜師原因：對於我嚟講係一份承諾

點讚

撰文：柔娛絲

發佈日期：2026-07-13 06:44 更新日期：2026-07-13 06:47

葉蒨文（Sophie）近日與男友曾展望（GM）遠赴青海崑崙山的聖地「西王母瑤池」，原來此行Sophie更順道拜師。

Sophie分享獨家相片，相中見她到了「西王母瑤池」向師傅下跪敬茶拜師。她接受tvb.com獨家訪問透露此行原本只是與GM拜會西王母娘娘，「但係嗰日GM 喺討論呢個行程嘅途中佢話你唔係諗住拜師咩？不如喺崑崙山拜師？」

她指能在海拔4300米的聖地拜師，相當有意義，惟其怕會出現高山症，不知自己身體狀況能否完成，幸好最終只出現輕微感覺，「坐旅遊巴有少少暈，一落地已經好快適應咗，所以成個過程度都覺得非常順利。」

而且，她透露拜師當日發生神奇事，「嗰日請完神之後係大風大雨，環境都有啲惡劣，本身啲頭髮係吹到好亂同埋濕晒，但係好神奇到我拜師嘅時候雨勢、風勢減弱，而且成個天變得冇咁陰天，最後好成功順利完成。師傅都話未試過咁惡劣嘅環境收徒弟，相信對大家嚟講都係好難忘。」

Sophie又親爆拜師原因，自言了解這個宗教逾一年，又接觸過師傅和師兄弟一段時間，「但對於我嚟講拜師唔係一樣兒戲嘅嘢，係一份承諾，我希望我係準備好付出，願意係喺呢度、透過呢樣嘢去幫助更多嘅人，先去落實呢個承諾。」

她自言上月看見師傅幫助一個人，過程令其感受甚深，因此更令其決定拜師，「跟住就擲筊，一嚟就『三聖』」。

主頁