/public/tvbcom/article/images/202512/9ce10f85-f18a-4da9-a23f-8f2b685cf224.jpg)
《萬千星輝頒獎典禮2025》將於明年1月4日（星期日）在澳門舉行，連日來不少藝人也落力拉票！當中入選「飛躍進步男藝員」十強的黃庭鋒與同樣有份入圍的吳業坤在電視城內向各部門同事派禮品拉票。
延伸閱讀：2025萬千星輝頒獎禮 | 觀眾投票
:quality(80)/public/tvbcom/article/images/202512/e5531de9-18c1-415b-9adc-52597d9c041e.jpeg)
黃庭鋒與吳業坤一同接受tvb.com訪問，大談角逐獎項的心情，黃庭鋒自言今次是第6次入圍「飛躍進步男藝員」，「其實每年都有信心去角逐，但今年比較多作品推出，好似今年有第一次做男主角嘅《富貴千團》仲有《麻雀樂團》同《巨塔之后》好有發揮嘅劇集角色，所以都好希望可以拎到獎。」
至於吳業坤則入圍「飛躍進步男藝員」、「最佳男配角」和「最佳電視歌曲」十強，「我都希望可以喺電視上面拎到一個獎項，攞咩都唔緊要。今日我哋出嚟拉票，都係互相支持，同埋有一年係有雙飛躍，如果今年都係咁就皆大歡喜。（有冇對邊項提名比較有信心？）我都係歌曲上會比較有信心，我覺得《金式森林》呢首歌好好聽，自己私心希望呢首歌拎到。」
+2
問到二人有否積極叫身邊的親朋好友投票，黃庭鋒說：「今年屋企人特別踴躍，我爸媽一知道有呢個投票就send咗去屋企嘅群組，親戚朋友都好支持我，同埋啲同事們都有投票，所以好感謝佢哋。」
吳業坤則指在網上也做了很多宣傳叫大家投票，「我有唱cover，頭先都有即場jam咗首歌畀大家聽，希望大家有記憶點，用真誠打動佢哋。」
