/public/tvbcom/article/images/202610/dd2e4da0-95aa-4cbb-a834-f847e85598c7.jpg)
日前，胡諾言特別為合作超過6年的護養關節健康食品拍攝全新一輯廣告，再次展現其極佳的保養狀態。
在廣告拍攝當日，胡諾言除了要不停跑跑跳跳，更在一天內做了數百下掌上壓。為了以最佳線條埋位，他更自備私人啞鈴到場，在空檔時把握時間舉啞鈴操肌。
胡諾言笑言：「今晚好開心可以喺室內拍廣告，其實同呢個客戶都合作咗好多年，起碼超過6年以上。因為係關節健康產品，自己作為中年人，多多少少都有啲勞損，所以一定要保持好狀態。好感恩客戶覺得我保持得好好，所以今次再合作。過程入面除了要做幾百下掌上壓，仲有好多跳跳紮紮嘅動作，我都應付自如！」面對現時市道環境，胡諾言亦特別感概，非常感恩自己依然工作不斷。
+2
首次內地拍短劇開眼界 期待再拍TVB劇集
除了廣告代言，胡諾言早前更首次前往內地拍攝短劇，坦言開拓了視野。不過，這也令他分外懷念以往在香港與 TVB 幕後製作團隊一同拍劇的日子。由於已有一段時間沒有拍攝TVB劇集，胡諾言直言希望未來有機會能再次拍劇，與一班舊同事重聚。
與陳琪結婚17年尊稱「小男人」 主持新節目預告爆夫妻秘密
胡諾言又透露即將為 TVB 一個節目擔任主持，節目內容主要圍繞夫妻相處之道與問題。與老婆陳琪結婚17年、育有3名子女的胡諾言，在圈中是公認的模範夫妻，他笑言十分樂意分享心得：「等我爆吓同阿『胡師奶』啲秘密畀大家知先！」
被問到兩夫妻結婚多年是否都可以保持到恩愛？胡仔笑答：「有恩有愛，但都有啲『辣』嘅嘢㗎，到時爆畀大家聽！」至於兩邊誰比較「辣」？胡諾言秒變愛妻號說道：「哎呀，我呢啲小男人嚟㗎嘛，尊重老婆好緊要，疼老婆好緊要！呢個係維持夫妻關係最重要嘅一環，真係『有你有我』。」
