胡說八道終於齊人！胡杏兒漏口風：一齊打邊爐一齊傾工作

「胡說八道」成員一向都姊妹情深，雖然平日各有各忙，不過佢哋亦會盡力抽時間出嚟聚，舊年喺美國舉行嘅演唱會反應熱烈，而Paisley 胡蓓蔚 當時有工作在身，所以未能同行，仲一度有傳佢哋「割席」添！今次咁齊人出現，相信一定可以打破呢啲傳聞。
而 胡杏兒 Myolie Wu 就漏口風透露：「終於齊人，一齊打邊爐，一齊傾工作，正呀！」，Selena Lee 李施嬅 就喺IG賣關子話：「下一站⋯⋯」，唔通佢哋已經籌備緊新演唱會？有唔少網民都留言話好期待啊！