胡楓精神奕奕現身飯局 林建明被對方窒到無語：希望日後能夠有多多日子繼續與他互窒

林建明與修哥的對話如下：

( 我一見修哥即說 ）

明：胡楓，請你俾個樣我睇吓.

（ 他乖乖的將塊面向住我 )

( 我一看 ）

明：哇…白淨咗喎，仲靚仔過以前！

胡：使乜講 !

明：咦…你口罩顏色好特別，原來襯返件衫！係咪玩Fashion先？

胡：唏，呢啲小兒科啦 ！

( 每道餸菜都很美味，接近尾聲時來一道節瓜，修哥眼甘甘望住，但他已經飽了，因病後不能吃太多，一飽即止。於是陳太就有個提議 ）

陳：俾少少佢試吓啦.

明：係囉，俾鼻屎咁多佢試吓好嗱！

胡：鼻屎都有分大嚿同細舊㗎喎！

明：（ 無語，接唔上添 ）

( 明 唯有轉話題 ）

明：胡楓你真係叻仔，精靈活潑，反應敏捷！

胡 ：我幾廿年嚟都係咁㗎啦，乜你而家先知咩？

明：（ 俾佢吹脹 )