胡慧冲一器官出事入院上身貼滿醫療儀器引關注：香港驗過問題好大

點讚

撰文：柔娛絲

發佈日期：2025-06-05 03:17 更新日期：2025-06-05 03:17

現年61歲、有「泰國通」之稱的香港KOL胡慧冲，因主持TVB旅遊節目《冲遊泰國》深受歡迎。近日他在社交網晒出入院的相片，情況令人關注！

相中可見胡慧冲穿上藍色病人衣服，近心臟位置貼上照心儀器，樣子一臉愁容，似乎十分憂心。而且，他亦上載醫院內的環境和儀器，又騷出自己的心電圖。

他指因為有人提醒，令其驚覺身體出問題原來早有預兆:「之前訪問了泰國女神相，佢私人醒我一句，叫我小心我嘅心，所以今日有時間去醫院再check下。」

幸好報告並無大礙，令胡慧冲放下心頭大石：「好彩只係個心大咗少少，心跳心電圖各方面都冇乜大問題，血壓亦都唔係一個大問題。」

雖然今次報告結果出來沒事，惟原來早前他亦曾到香港試過入院照心：「唔知點解喺香港check問題就好大，可能香港朋友熱情又或者嗰陣時我有心事，所以就搞到我鬼咁高，依家正常了，多謝醫生朋友對我的照顧並請我食餐好嘅多謝晒」。

其實胡慧沖於2023年曾於泰國私人醫院進行「通波仔」手術，並在社交平台上載影片及分享當地私家醫院的服務感想及埋單收費。

主頁