/public/tvbcom/article/images/202505/818220fc-97ae-4361-ac5f-2fcdc5cb9199.jpg)
71歲的肥媽(Maria Cordero)早前網晒身在醫院照，見其一臉病容，神情呆滯，令人擔心，其後網上更瘋傳肥媽病情惡化危殆要入ICU，甚至要叫家人趕赴醫院見面，幸好事件只是虛驚一場。
事後肥媽指因確診新冠肺炎而入院，更表示：「呢次嘅新冠好辛苦好辛苦，我去醫院睇，食咗特效藥，而家第三日都仲係二條線，個頭好痛，發高燒，好辛苦。」
延伸閱讀：71歲肥媽突停工入院 面容憔悴神情呆滯 去年曾緊急入院通波仔
/public/tvbcom/article/images/202505/c49d481c-8cb5-4abf-b6ea-944c8768531e.jpg)
經過多日的治療後，肥媽終於出院，並在網上發文報平安：「我好返喇， 因為今次中咗Covid 真係好辛苦， 因為年紀比較大嘅關係， 家人們都比較擔心， 所以我有去醫院度睇過醫生， 睇完就閉關咗喺屋企休息。」
她續說跟着姐姐又中招：「呢幾日又要休息， 又要幫手照顧佢哋， 仲要全屋大清潔，太累，所以連日來有不同嘅消息都未能一一回覆， 好多謝大家的問候和祝福。要大家擔心真係好唔好意思，所以喺呢度同大家報個平安，都要提提大家多多留意家中小朋友和老人家， 最近啲病菌實在太犀利， 大家都要好好保重身體，人多嘅地方要戴返口罩。」
雖然肥媽已痊癒出院，但臉容仍有點憔悴，聲線微弱說今次中招十分辛苦：「我病咗呢個禮拜，令到大家有好揣測同誤會，真係唔好意思，我今次中招真係好辛苦，又發高燒瞓喺張床直頭起唔到身，答唔到人，之後又頭暈又咳，連我屋企人都中晒，我哋全家人同外界都冇接觸同交流。」
她再澄清早前指其病危的傳聞：「引起不必要嘅誤會，真係唔好意思，至於點解話我入ICU，我都唔知點解，可能佢哋喺醫院見到我喇，真係多謝大家關心，不過千祈唔好誤會，我OK㗎。」
一班網民紛紛叫她休息多點，好好保重身體。
