/public/tvbcom/article/images/202512/5ba66b61-ac9d-4383-ae34-0f22107819aa.jpg)
1997年港姐冠軍翁嘉穗（Virginia）與大她20年的海馬牌床褥創辦人、七海化工主席鄔友正結婚26年，育有兩個兒子鄔謨雲（Jason）及鄔謨風（Kaspar）。大仔Jason今年25歲，已完成碩士學位，現時在投行工作。
翁嘉穗昨日（15日）上《流行都市》做嘉賓，提到自己生細仔時曾經出現產後抑鬱。她說當年情緒跌得好急，思緒又亂，但後來靠畫畫慢慢走出來：「差唔多十年前生完細仔，我係有產後抑鬱嘅，但好快好返，畫畫幫咗我好多。」她形容一落筆，腦袋就靜下來，人也舒服很多。
主持安德尊問她當時情緒低落，怎樣還能提起畫筆，她坦言並不容易：「都係突然間上IG睇吓有咩方法，除咗食藥，都要做啲嘢。藝術治療、音樂治療都要出門，我嗰陣可能連（出去）嘅能力都冇，所以就試吓自己畫下。」靠着這個方法，她花了一段時間才完全走出陰霾。
講到老公鄔友正近年迷上唱歌，甚至報名《中年好聲音4》，她笑說最初以為對方講笑，後來見他認真起來，便幫忙找老師：「佢學咗之後真係進步咗好多。」她一度被老公感染，想一起學唱歌，但鄔友正即刻潑冷水：「你咪嘥錢啦！」她笑言夫妻相處最重要互相遷就：「始終兩個人一定有唔夾嘅地方，都要大家讓一步。」
至於大仔Jason熱愛舉重，原來從十幾歲開始就跟同學一起做gym。安德尊問她會否擔心，她坦白說當然會：「佢第一次同我講要比賽，我即刻問佢得唔得㗎？佢好有信心。我再問佢邊度學，佢話YouTube，我真係嚇親。」
之後她立即幫兒子找教練，怎料教練反問她想兒子走到什麼程度：「我話比完賽就算啦，佢話唔係喎，Jason係national level。」翁嘉穗起初以為被推銷課程，結果兒子真的贏了比賽，令她相當自豪。
