/public/tvbcom/article/images/202508/36784745-3024-4513-b445-4b2159e6eb95.jpg)
羅毓儀因拍《女神配對計劃》而人氣急升，早前節目終於拍攝完成，眾人也大感不捨。
日前羅毓儀在社交網發長文分享拍攝感受，並指這個《女神夢》終於完結，在這段時間經歷甚多，「呢一次嘅經歷令我覺得自己係愛麗絲夢遊仙境入邊嘅愛麗絲。感覺自己就好似發咗一場夢，然後呢個夢正式喺琴日結束了。呢段時間真係經歷咗好多嘢，認識咗好多新朋友，感受到好多嘅溫暖，受到了很多的照顧。短短呢幾個月發生嘅事情，令到我感覺好似經歷咗成年咁，所有嘢都濃縮咗喺幾個月發生晒。」
/public/tvbcom/article/images/202508/b373fb63-5fdc-42ea-8d18-534638c0025e.jpg)
她指這經歷令其成長不少，「面對咗好多好多唔同嘅事情，有開心、唔開心、期待、緊張、焦慮、擔憂等等等等，經歷咗很多很多的情緒過山車，而且係呢段時間亦都反思咗好多，亦都做咗好多嘢。」
羅毓儀直認沒人完美，「我亦都知道我所做嘅事情係好多人嘅眼中都未必係最好，甚至乎係錯嘅，我曾經喺度諗，假如我唔係咁做嘅話結果會唔會好一啲？我唔知道，因為冇人會知道冇發生嘅事情到底係點，唔會知道平行時空嘅自己發生緊咩事，而且既然事情已經發生咗再去糾結亦都改變唔到。但係呢啲諗法並唔係一時三刻可以實行得到。」
/public/tvbcom/article/images/202508/971b9bd9-e1a6-4929-bcc3-0505a03f5548.jpg)
她自認還需要不斷學習，「我覺得我都未係好識得點樣去處理自己，但係我知道自己已經比以前變得更好，變得更強大，因為我身邊有你哋，多謝喺呢段時間一直陪伴住我嘅咁多位！Love you all !!!」
原來相片由林俊其親自操刀，難怪鏡頭下的羅毓儀笑得那麼甜，而林俊其亦在帖文留言鼓勵對方，「都是人生中的拼圖，才有現在更好的你 加油」果然Sweet爆！
+2
