羅毓儀孖《女神》CP廣州開騷 預告歌曲粉絲會有驚喜 林俊其親揭搵呢位高手教唱歌

近日羅毓儀和林俊其也忙於練歌，望呈現最佳的表演答謝觀眾支持。日前葉蒨文在社交網分享一段他們錄歌的片段，見她與曾展望、羅毓儀和林俊其十分認真練歌，不少粉絲更大讚他們的歌聲動聽，十分期待其演出。

向來有夾Band演出經驗的羅毓儀接受tvb.com獨家訪問直言對今次的演出十分緊張，「因為今次個音樂會同以前嘅Bandshow好唔同，以前做嘅bandshow都係小型啲，而今次係正正式式一個音樂會，加上自己未試過返內地做騷，又未見過大灣區嘅觀眾，所以我都好緊張。」

她又預告兩對CP會有合唱歌，保證粉絲一定有驚喜。

至於首次唱歌表演的林俊其坦言以前對自己唱歌沒有信心，「因為一直都比較少唱歌，直到《女神》時創作咗一首歌畀羅毓儀，大家個反應也可以，我慢慢先有信心。同埋Yuki都有分享唱歌基本技巧畀我知，自己嘅音準方面亦都慢慢有進步。」

他指最近更找吳業坤學唱歌，望自己的唱功愈來愈好，「Yuki仲會幫我執好啲拍子同埋字嘅發音，所以佢除咗自己練歌仲要兼顧埋我，佢都好辛苦，我好感激佢。」