羅子溢獲太太愛的探班 仔女肉緊關心爸爸「受傷」

早前忙於拍攝TVB新劇《警是個大佬》的羅子溢，在劇中一人分飾兩角，劇中不乏高難度動作場面，從子溢分享的照片可見，當日他以「受傷妝」上陣，造型相當逼真，而一對子女則手拖手肉緊望實爸爸的「傷痕」，子溢則回以一笑，對視畫面溫馨滿瀉！

子溢續說收到囡囡親手繪製的心意畫作，畫上有彩虹圖案及「I love 爸爸」等字句，令他甜在入心扉，他感動表示：「喺拍攝期間太太帶咗小朋友嚟探我班，小朋友對我受傷嘅妝好好奇。今日收到心心送俾爸爸嘅禮物，其中一樣係一架船，我同心心講，爸爸媽媽係你哋嘅船長，你哋係我哋嘅乘客，目的地係你哋嘅夢想，我哋會載你地去到夢想嘅目的地！」

此外，他亦特別感謝太太楊茜堯在自己拍劇期間一力承擔照顧家庭的責任，隨著《警是個大佬》已煞科，接下來將輪到太太投入新劇《模範律師團》的拍攝，羅子溢更冧爆表示會接棒照顧家庭，太太亦甜蜜回覆：「Happy Father’s Daymy dear 希望你呢個船長日日健康開心」。