《中年好聲音》歌手自揭患社恐！以1900萬購入灣仔豪宅身家豐厚

日前羅啟豪接受查小欣的YouTube頻道訪問，由於其英文名字後面有3間，通常是貴族和皇室才會這樣，因此查小欣問他是否貴族出身？

羅啟豪連聲否認，「絕對唔係，但係我英文名Reman其實係西班牙或葡萄牙嘅名，我爸爸同爺爺都係同一個名，所以我係Third，我爸爸係Junior。」

由於其名字有傳承的意思，對於羅啟豪早前購入近2千萬樓盤，查小欣問其是否「繼承」一部份？他解釋：「我爸爸係會計師，所以係我細個佢已經教我儲錢嘅重要性，我喺英國住咗好多年，之前買落間屋，間樓升值，依家紮根香港，所以就賣咗英國間樓，就喺香港買返一間，差額都唔係好大。」

羅啟豪透露自己在13歲那年到英國讀書，3年後到美國住了20多年，至2015年再搬返英國。

他直言熱愛唱歌，多年來也幻想過參加不同的比賽，惟一直沒有勇氣，更自揭自己有社交恐懼，「我由細到大面對人群都有障礙，當我見到《中年好聲音》比賽，就畀節目名影響到，我要接受自己係中年，再唔抓緊機會就冇。」此6個月的過程，令其克服和進步不少。

被外界標籤為「有錢仔」的羅啟豪，他自言十分節儉，「我係一個好知足嘅人，未入行前我會去70蚊嘅速剪頭髮，同埋喺外國買衫好貴，我每次都會等到返港先買。」

他續指並非工作時會乘坐公共交通工具，又喜歡儲優惠券。