童星「Jacky仔」王樹熹近況曝光 移居日本轉行做呢個行業

吳諾弘和王樹熹一見面話題不絕，又指小時候已有很多人指他們相似，「好多人會將我哋撈亂，所以我上次打奧運，跟住之後，有啲人喺下面留言話：『嘩，Jacky仔去咗奧運咩？』跟住之後，後面啲人就話：「嗰個唔係Jacky仔，嗰個係 Lawrence啊！」

王樹熹Jacky 自淡出幕前後，透露與昔日童星好友全也沒有聯絡，甚至連普通演員朋友也沒有，已完全離開演藝圈。

吳諾弘再問到他19年是否曾返TVB拍劇？王樹熹Jacky 說：「當時有個導演搵我：『不如返嚟拍下？』其實嗰時啱啱畢業，我覺得不如再試下拍下嘢啦，（點解唔繼續？）我覺得始終喺現實啲咁諗，拍戲其實都唔係一個好穩定嘅一個工作，同埋始終睇返，我又無特別一定要拍戲，咁我覺得不如試下自己鍾意嘅嘢，我又之前喺日本留過學一陣。」

王樹熹曾於日本早稻田大學留學，畢業後在當地從事 PR工作，屬於幕後人員。王樹熹強調現在的生活模式讓他更享受，並未對當年童星身份帶來的既定印象感到負面，反而認為其在待人處事與溝通方面有所幫助。

他們在節目中也分享了許多當年的點滴，王樹熹最難忘的童星經歷是當年與影帝劉青雲合作電影《童夢奇緣》；而與吳弘諾共同參演的劇集《當狗愛上貓》也讓他印象深刻，尤其回憶起當年有位叫「貝貝」的小演員。

吳弘諾聽聞後，更立即向鏡頭呼籲，如果「貝貝」看到這段影片，務必透過Instagram聯絡他，希望能邀請她重聚。