甄敏芳斜膊紅裙亮相張國榮誕辰音樂會 修長美腿搶焦！後台集郵超興奮

相中可見，甄敏芳身穿一襲鮮艷亮眼的斜膊紅色長裙登場，前短後長剪裁配搭黑色高筒長靴，大騷迷人長腿。除了在後台樓梯拍下零死角靚相及手持蝴蝶應援卡打卡外，她更把握機會於後台向多位圈中星級前輩「集郵」，當中包括陳松伶、莫文蔚、張衛健、鍾鎮濤、蘇永康等，星光熠熠！

甄敏芳感性寫道：「哥哥嘅作品一直陪伴大家，喺一個咁重要嘅日子，能夠成為一份子，對我嚟講真係好夢幻，係榮幸亦係責任。好多時候我哋都會喺哥哥嘅歌入面搵到共鳴，因為大家其實從來都冇忘記過哥哥留低嘅嗰份感動，佢永遠都會喺我哋心入面繼續發亮。」

帖文一出，即吸引大批網民與粉絲留言狂讚：「呢個Look索爆」、「表現超水準」、「恭喜Jenny解鎖大舞台！」