湯洛雯(靚湯)與馬國明(馬明)自2020年公開拍拖之後,去年12月於泰國蘇梅島幸福完婚,婚後二人更不時在網上甜蜜放閃,羨煞旁人!
前日(6日)是湯洛雯37歲生日正日,亦是靚湯榮升「馬太」後第一個生日,靚湯在社交平台上載獲老公馬明甜蜜慶生影片,並幸福貼文:「他不是一個會給別人驚喜,更不算是一個浪漫的人,但是他就是那一種,只要你跟他說過,他便不會忘記,嘗試努力做好的另一半,謝謝你為我改變,這已經是最好的生日禮物。」片中可見,馬明非常識做,不單止為太太準備蛋糕,還送上靚花冧老婆,之後二人還頭貼頭合照,更有細心網民發現馬明口型講Love U ,認真好Sweet!大批粉絲紛紛留言表示羨慕:「好鬼閃呀!可唔可以比我地帶左副超先放閃,唔該。」而最甜的莫過於片尾兩人Kiss放閃,不過好可惜當他們錫錫的時候影片就突然中斷,網民都大呻睇唔夠:「臨尾個kiss做咩cut咗」,「馬太壞壞不讓看」,更有不少人提議靚湯再PO過,非常有趣!
圈中人緣甚佳的靚湯其實一早就獲不少好友與其慶生,除了繼早前獲「2Line黨」三位好姊妹朱千雪、岑杏賢、蔣家旻為她提前預祝生日之外,靚湯日前亦聯同「鐵馬家族」成員唐詩詠、林子善等一起開派對慶生,現場氣氛熱鬧又溫馨!靚湯開心表示:「Happy birthday to meeeee!好多謝咁多位兄弟姊妹陪我過生日,感恩有你地咁錫我!其實有對的人們在身邊真係日日都好似生日咁開心!」