湯洛雯向來是貓奴一族，更與老公馬國明飼養了一對可愛的布偶貓Tino同Ariel，日前（16日），兩人為Tino舉辦了3歲生日會，還貼心為其準備了生日蛋糕，「一家四口」幸福滿溢。
誰知相隔不夠一星期，Tino竟出現意外，死過翻生！昨日（21日），靚湯在社交平台po出限時動態，上傳Tino熟睡的照片，提醒網民：「大家帶毛孩打疫苗時候，一定要小心觀察打完之後嘅反應！」原來Tino竟是疫苗過敏，過敏一事真是可大可小！靚湯也有詳細描述事情經過：「今日帶大仔去打疫苗，以前打都冇事最多係攰啲，但係今日返到屋企，見佢一開始少少肚痾，跟住鼻哥好紅，再見到佢眼腫晒，之後呼吸極快，我真係嚇到癲咗即刻帶返佢去診所，打抗敏針同止嘔針，瞓氧氣箱，個心痛到啲眼淚狂飆⋯⋯」幸好最後都平安無事：「半個鐘之後就舒緩返，而家帶咗返屋企，好攰好攰，係咁瞓覺，都放心返啲，醫生話極少數會有咁既反應，不過咁啱就係嘓個極少數，佢仲話好彩我哋快帶佢去，如果唔係後果都有危險。」
虛驚一場過後，靚湯表示仍心有餘悸，網民紛紛留言安慰，靚湯亦在數小時後補充寫道：「多謝大家嘅留言，原來大家都試過有咁嘅情況，真係好恐怖，第時都真係要考慮係咪真係要繼續打，太驚嚇。Update返，見佢睡姿回復正常，應該舒服返好多。」
