港姐冠軍袁絲珩首吐心聲 曾自卑懷疑不夠漂亮 勵志宣告：平凡女仔都可以追夢！

袁絲珩在帖文中寫道：「大家好，我係香港小姐競選2026冠軍 袁絲珩Bernice！👑💕」她坦言歷經兩個月的歷練後走到這一步，感覺依然「好似發咗一場夢💭」。她首先感激評判與大會的賞識，以及每一位支持香港小姐的觀眾，指這幾日收到源源不絕的讚賞與鼓勵，讓她深感感恩。

談到頒獎時的真實心情，袁絲珩直言當時難掩緊張：「坦白講，到宣佈個一刻，我雙手都仲係震緊，個腦一片空白。」她感性指出，頭上的后冠意義深遠且沉重：「呢個后冠好重，因為佢承載嘅唔止係我一個人嘅努力，而係台下每一位工作人員嘅心血、佳麗們嘅努力，同埋永遠喺背後默默支持我嘅屋企人同朋友，多謝你哋，呢個榮譽都係屬於你哋嘅👑🩷」。

除了表達感激，袁絲珩亦大方吐露過去的自卑心情，坦言曾經與很多女生一樣，覺得自己不夠厲害、不夠漂亮，甚至懷疑過自己是否適合繼續做表演。但「香港小姐」四個字重新定義了在她心中的美：「美麗從來唔應該被定義。只要你相信自己，堅持善良，唔好放棄，平凡嘅女仔都可以有追夢嘅勇氣🔥✨」