海俊傑發長文交代太太急性肝衰竭狀況 親解拍片眾籌近百萬醫療費 及赴廣州求醫原因

海俊傑先是交代太太被送入醫院的經過，以及解釋為何要由香港的瑪麗醫院，轉去廣州的醫院：「我太太因為身體狀況，早前被緊急送入瑪麗醫院，被確診為急性肝衰竭，經過同醫生嘅了解，佢個情況並唔樂觀 … 而我們一家一直住在內地，同屋企人商量後決定轉到廣州中山大學醫院附屬第一院醫治。廣州院方亦以專業嘅方法處理及各方檢查治療，由於太太嘅情況比較嚴重，就响（喺）佢留院入住後大概五天左右，病況出現好多未能預料嘅變化，需要轉到ICU作出緊急治療。」

對於海俊傑拍片眾籌80萬為太太醫病一事，海俊傑也詳細說明費用如何而來：「由於可能有機會配對，我亦都需要了解手術建議及醫療費用。醫院嘅收費透明度高，醫生認為太太的病情嚴重，醫院方面估算手術費50萬，但除手術費外其實亦都會繼續衍生不同嘅醫療項目費用，經初部計算前後至少要過佰萬。由於我哋一家原有儲備已在耗損情況下，難以承擔持續增生嘅醫療費用，所以响（喺）心情好徬徨不安嘅情況下，好抱歉拍咗條片令到大家擔心。」

海俊傑最後多謝各方人士的協助，也希望大家繼續為他太太集氣，可以早日轉危為安。