洪永城帶細女到主題樂園慶1歲生日 梁諾妍笑言妹妹比家姐更似爸爸

洪永城與梁諾妍育有兩個女兒，分別是大女「Sir Face」洪靖嵐（Amber）和細女「Sir Nose」（Beryl）。如今Beryl迎來一歲生日，洪永城與梁諾妍便帶著大女一齊到主題樂園，為Beryl慶生，並上載多張遊玩照片。可愛的Beryl與笑佛撞樣，因此被洪永城與梁諾妍笑稱「佛妹」，更被父母左右啜臉珠，集萬千寵愛於一身。

洪永城留言：「佛妹一歲喇！今日帶你睇咗煙花、見咗公主，希望你嘅人生都有冒險、有奇迹和懷着善良永遠相信魔法嘅心！」祝福囡囡有精彩人生，而梁諾妍則指：「家姐1歲時去Disney, 阿妹都一樣～早上工作後就衝入去，仲喺Disney Explorer 過咗一晚。2位小朋友玩得好開心，我哋都玩到好盡興，盡興到咩叫攰都唔記得啦！佛妹豬，阿媽祝你繼續佛系開心食得玩得瞓得，同2位家姐溫馨快樂，就好似你個中文名洪靖愉，愉愉快快，日日都啜爆你，好愛好愛好愛你❤️❤️❤️」，她更笑言細女實在太像洪永城：「佛妹進化史。樣子已經超越了Sir個face，比Sirface更 Sirface的Sirface，究竟是點做到的」，相當好笑。