汪明荃2008年台慶跳舞片翻Hit 網民激讚：全香港叫阿姐只有佢一個

當年阿姐61歲，與一班小花大跳勁舞，包括徐子珊、胡定欣、陳法拉等人，阿姐大騷超強電臀舞，絕不比一班小花輸蝕。之後阿姐還有一段水中Solo勁舞，節奏強勁，型格十足。最後還被大隻佬舉起，做出凌空動作！

對於阿姐的演出，網民紛紛留言大讚：「乜原來汪阿姐可以咁型嘅?! 但係我個腦淨係識播凍了熱咖啡」、「撈到而家真係憑實力」、「其實呀姐真係原祖idol 冇得輸」、「全香港叫阿姐只有佢一個」。