/public/tvbcom/article/images/202601/aa45369f-4cfd-4f44-b7d5-60d02a44cd7c.jpg)
楊梓菁參與TVB劇集《法證先鋒IV》、《逆天奇案》和《法言人》等而為人熟悉，加上其在劇中經常晒出「舞功」，以打女形象深入民心。
楊梓菁在2024年7月透露因免疫系統攻擊甲狀腺，出現甲狀腺亢奮症狀，導致經常失眠、暴瘦、心跳手震、大細眼等問題，嚴重影響正常工作，更曾一度擔心會變盲，無奈停工休養。
/public/tvbcom/article/images/202601/4c55f538-9855-41b1-87ff-cb2bfd514802.jpeg)
日前她在社交網透露自己病況，表示終於可以停藥，又上載一段短片，片中見其戴上眼鏡表示：「經歷咗一年半甲狀腺上眼最後複診，醫生畀咗四個建議我，唔知你哋覺得我咁樣決定好唔好呢？」
她向大家展示其眼部狀況自言現時情況改善了不少，「之前有一隻凸咗半個眼球出嚟，依家仲有大細眼，不過要喺唔同嘅角度睇先至會睇得明顯啲。」
+1
楊梓菁再說出醫生給其的建議，並向網民收集意見：「第一個係乜都唔好郁，繼續觀察多半年。第二個係打Botox，將眼皮放鬆落嚟，令到視覺上減少眼白部份。第三個方法就喺眼皮上開刀，手術會令眼皮變厚，令到兩邊眼睛不一致，就算之後做眼皮手術，未必適合亞洲人樣貌比例，簡單啲講要做兩個手術。第四個方法就係將本身隻眼睛開大，就返眼凸嗰隻眼嘅比例。」
最後她再發文指有新決定，「經歷咗一年半甲狀腺上眼最後複診，醫生畀咗四個建議我，最後決定俾自己再觀察多半年，希望眼睛會自動好返。」
