楊卓娜暴雨徒步回家超驚險 到機場驚覺漏帶護照上唔到機：疲於奔命的12小時

楊卓娜在網上分享一段影片，紀錄下她在黑雨下歸家難行之路，見影片在清晨時分拍攝，天色昏暗，暴雨如注，馬路與行人路已被雨水淹沒，水流夾雜著泥沙，形成黃濁的泥水，難怪楊卓娜透露：「兩架車都返唔到屋企，我唯有行返屋企，希望大家都平安，希望唔會再黑雨！」

隨後，楊卓娜再以「疲於奔命的12小時！可惡嘅黑雨!」為題發文：「噚晚半夜2:30am左右，黑雨浸到車位前嘅馬路好似黃河咁，車返唔到屋企，我只能停泊一邊，徒步回家，爭啲畀水沖跌！突然醒起未拎Passport，隨手拎起放入手袋，梳洗完諗住爭取時間去休息，結果行雷閃電雨聲，令我擔心咗一晚，又擔心早上都移唔到車返車位，又擔心早上水浸太深未退，離開唔到屋企去機場，結果成晚都冇瞓！

她續說：「好唔容易頂住黑雨，早上終於call到車前往機場，去到機場check-in先發現原來我個Passport唔係Passport holder入邊，呢一刻真『OMG』，『如雷灌頂』，呆咗！」

楊卓娜指被人教訓了10分鐘，及後終成功教到工人姐姐找到其護照：「諗住過到關，但係又call唔到車，最後終於得到好鄰居嘅幫助送姐姐和passport來機場，但係行行吓，路上又水浸全部車死火，天啊，旅行先嚟黑雨，仲要十萬火急撞正黑雨， 寸步難行。等咗1小時，我嘅英勇鄰居為咗唔好再喺路上遇上更多嘅水浸，更多嘅延誤，終於決定將姐姐車到去地鐵站，我聰明又善良嘅姐姐，最後幾經辛苦再用咗一個半小時終於將我嘅Passport送到我手上！飛機當然就搭唔到啦，唯有轉下一班！」

最後她感謝航空公司的協助，令六神無主的她很快可以安定下來：「雖然我要拜拜楊生同豹豹佢哋條尾，但係無端端賺咗幾個鐘頭me time可以好好行吓街，喺機場食個靚lunch， 上機之後就可以好好補眠尋晚欠咗嘅美容覺！經一事長一智，下次真係要小心啲，拎咗Passport Holder，唔等於拎咗Passport 㗎！反省完畢，繼續食嘢！」