:quality(80)/public/tvbcom/article/images/202606/e8d774ea-21ae-4bf0-ab04-4891a1d7dd01.jpg)
TVB「旅遊達人」梁芷珮憑主持旅遊節目《潮什麼》系列成功入屋，之後又與老公開旅行社，加上做KOL狂接廣告，吸金力強。原來梁芷珮近日秘密置業，在中山買了千呎物業作為父親節禮物，認真孝順。
延伸閱讀：梁芷珮水着上陣大晒「恐怖」印記 擁強勁背肌身型弗爆
/public/tvbcom/article/images/202606/76466ab8-9d8c-4f31-881f-56d41445d63c.png)
她在社交網分享一段與爸爸的收樓片，片中見梁芷珮帶爸爸到新屋，梁爸爸細心視察屋苑的環境，而新屋配備密碼鎖大門，空間寬敞，梁芷珮更透露單位所有配置皆是「收樓標準」，附有極齊全的傢俬和家電，令其父親相當驚喜。
梁芷珮帶爸爸率先參觀廚房，廚房內電磁爐、消毒碗櫃、抽油煙機及廚櫃一應俱全，而廚房連接的小露台，可放置洗衣機。其後，客廳亦配備餐桌椅、梳化、茶几及連電視機及冷氣機。
+9
而主人房亦有一張雙人床、衣櫃、床頭櫃和分體式冷氣等，更有一個小型露台。最後梁芷珮問父親是否喜歡這間屋，梁爸爸興奮地說：「鍾意，冇得頂添！」
她再發文：「攞咗樓喇！我surprised 咗爸爸一層中山樓做父親節禮物呀！🏠唔駛100萬就買到成千呎，仲要包埋全屋家電，帶件衫就已經可以上嚟住，超級抵玩呀!以後佢哋北上玩唔駛成日住酒店🥰預祝各位爸爸父親節快樂🥰」。不少網民也留言指「性價比極高」。
