梁敏巧中學同時俾5個人追 約晒所有人做呢件事判斷有無Feel？一原因特別受歡迎！

不過不少網民認為同時被5個男仔追實在太誇張，梁敏巧解釋是由於自己的性格非常活潑，且熱愛參與各項活動，所以人脈也廣：「網民們唔相信我有5個人追，我諗返都係唔相信嘅。雖然係開朗活潑但唔識打扮，但我真係好活躍，有參加唔同學會級活動、社活動、制服團隊、同級同班、唔同班、師兄、出面參加制服團隊的成員，所以可能因為係好多圈子出現，會有呢個結果，唔係水性楊花呀！」

梁敏巧又回應網民詢問如何同時handle五個男仔的問題：「我無特別要點handle，最簡單鐘意咪溝通多啲。無感覺咪冷淡等佢哋知難而退，我屋企管好嚴所以唔會出街。我諗最頭痕都係約溫書，我會索性同佢哋講約咗一班同學喺邊度溫，隨意join。傾電話send訊息純睇心情，可能因為咁養成佛系覆信息。其實我了解後無feel我會好冷淡，完全唔會比假希望唔收兵～有人好快放棄，有人追足一年！」

日前（29日）正逢七夕節，追求者Matt在 IG 上載與 Maggie 的「童年照拼圖」，並寫下冧豬豬 Caption：「雖然遲咗禁（咁）多年先見，但係總算遠距離同你一齊翹過腳同黑過面，同埋陪你感受過一齊着校服嘅日子，七夕快樂」；但搞笑的是，Matt 的肉麻心事卻換來Maggie「責難」：「你做乜偷偷地 save 我 post story 嘅小朋友相。」更神來之筆曲線甜蜜回應 Matt 心意：「乜咁啱嘅咩，細細個都係攞同款甫士表情，同埋用同款梳化嘅咩」，兩個都咁眼利，果然襯到絕。