前港姐冠軍官宣做媽媽 分享兩「母子」點滴 ：佢成為咗我屋企人

前港姐冠軍林鈺洧現時在《愛·回家之開心速遞》演「羅網」而為人認知，日前她網上官宣做媽媽，更分享與「兒子」的點滴，而這位「兒子」就是其半年前領養的愛貓。

她指貓貓已經4歲，是雄性貓，「佢搬過幾次貓舍，一直以來都係喺呢啲貓舍裏面做繁殖機器😔 又比其他貓貓打。可能因為佢喺貓貓界嚟講年紀比較大，又大隻，又生過。想養貓貓嘅主人通常都會選擇BB貓由細養起，所以佢一直都冇人要。」

林鈺洧指最初擔心帶牠回家時憂慮多多：「擔心佢唔適應，擔心佢唔開心，擔心佢唔鍾意我，擔心佢會成日匿埋唔出嚟，擔心佢唔食嘢。仲有擔心好多好多。我用咗好多時間同佢溝通，同佢玩，但係佢一直都同我好有隔膜，完全唔似我隻狗bagel由細到大養咁close。」

她指過了一段時間，看見愛貓會主動找她，令其十分感動：「我成日抱起佢瘋狂錫佢，我知佢好唔鍾意，會飛機耳，但係佢又會發出咕嚕咕嚕煲水聲音。佢真係好得意。由上年10月5號開始，佢就成為咗我屋企人，希望佢健健康康。」

最後林鈺洧希望大家考慮領養：「雖然係要花多啲時間bonding，但係佢哋認定咗你係媽咪爹哋就會永遠黐住你㗎啦！」呂慧儀在帖文留言「好靚的貓貓，用心的照顧會有回報的」，邢慧敏亦留言「So sweet😍貓貓好幸福」。