/public/tvbcom/article/images/202507/c3db8b9e-3625-4c49-a76e-1256cd8fc16a.jpg)
林盛斌（Bob）出了名搞笑、緊貼時事，近日網上盛傳南京一名被稱為「南京紅姐」（又稱「紅老頭」）的男性男扮女裝，與近一千七百名男性發生關係（數量未經證實），並拍下短片放上網，事件轟動惹全網熱議，連日來被各大媒體同社交平台洗版。林盛斌亦有留意事件，並貼出一張自己男扮女裝的照片，與「南京紅姐」鬥靚。
林盛斌（Bob）曾經反串「TVB營業部徐小姐」，依對比相可見，二人同樣戴了齊陰假髮，以及搽了紅色唇膏。林盛斌（Bob）搞笑留言：「算啦，我認啦，其實單嘢係我做嘅。如果佢都可以食到千幾個小鮮肉，咁我條隊咪尖沙咀排到上廣州！講真，邊個靚啲？你想溝邊個多啲？唔准諗，即刻答。最多我唔使你買牛奶、花生油同用品嗰啲。#極度懷疑佢係抄我TVB營業部徐小姐個造型 #紅姐 #紅爺 #紅大爺 #好多個名唔知邊個先啱」。不少網民都讚Bob「你靚好多喎﹗」﹑「真心，你靚九條街」﹑「唔使諗即刻答，點會唔係揀你？」、「揀你！你靚啲！」，連胡定欣都說：「不如你都試下😂」。
